У 6-м туры чэмпіянату Беларусі па футболе сярод каманд Першай лігі "Орша" прыме светлагорскі "Хімік". Паядынак стане ўжо 33-м у гісторыі супрацьстаяння каманд. Пакуль перавага па перамогах за "Хімікам" — 15 супраць 9. У бягучым сезоне аршанцы здабылі дзве перамогі ды йдуць на 7-й пазіцыі. "Хімік" прайграў усе пяць сустрэч на пачатку чэмпіянату і з улікам штрафу ў 9 пунктаў перад сезонам займае апошні радок табліцы. Матч чарговага туру адбудзецца 23 траўня і пачнецца а 17:00. Варта адзначыць, што з-за пандэміі каранавірусу наведваемасць хатніх матчаў "Оршы" сёлета вельмі нізкая, у раёне 300 чалавек.
