Як паведамілі ў Магілёўскім аддзеле ўнутраных спраў на транспарце, 52-гадовая грамадзянка Украіны везла ў Беларусь на продаж шэсць сумак з салам, аднак не далічылася адной з іх.
У момант здзяйснення крадзяжу жанчына спала, чым і скарысталіся зламыснікі. Маладыя людзі зайшлі ў дызельны цягнік на станцыі Ходасы, а выйшлі, ужо з выкрадзенай торбай, на станцыі Цёмны лес. Пасля гэтага, распавялі ў АУСТ, яны на пероне падзялілі папалам сала, якое знаходзілася ў сумцы, і раз'ехаліся. Затрымалі маладых людзей (адзін з іх - жыхар Дрыбіна, другі - жыхар вёскі Хадасы) ужо на наступны дзень. Выкрадзенае канфіскавана, распачата крымінальная справа па артыкуле "Крадзеж".
