Квадратны метр жытла ў Оршы ў снежні 2012 года каштаваў 519 даляраў. Цяпер, у кастрычніку 2013 за яго трэба выкласці амаль на сотню больш — 610.
Ударажэнне метра на 18% за дзесяць месяцаў. Такая ж дынаміка росту зафіксавана статыстыкай у Гомелі і Пінску. Калі браць гарады з крыху большай колькасцю насельніцтва, чым у Оршы, то аршанскія кватэры ў сярэднім даражэй за бабруйскія (там 587 даляраў за кв.м.), але танней за жыллёвую плошчу ў Баранавічах (649 даляраў).
Самыя дарагія прадказальна ў Менску — 1679 даляраў за кв.м. А з абласных гарадоў жытло найбольш дарагое ў Віцебску — 918 даляраў за кв.м.
У Светлагорску кошт самы нізкі ў краіне — 468 даляраў.
За дзесяць месяцаў 2013 года нязначна выраслі кошты ў Гародні (3%, цяпер $ 823), Берасці і Мазыры (па 8%, да $ 861 і $ 568 адпаведна).
