Рэгіён, Здарэнні

Паляўнічым выстаўлена абвінавачанне (фота)

11.03.2021 17:53

2192 прагляду, 0 каментароў

Жыхары Горацкага раёна палявалі ў Дубровенскім раёне, але былі затрыманыя

Затрыманыя паляўнічыя былі яшчэ 19 снежня мінулага года. Яны адправіліся на паляванне ў лес каля вёскі Ляхаўка. Самы старэйшы, а значыць і дасведчаны, паляўнічы, якому было ўжо 70-гадоў падстрэліў лася. А ўсе разам (56-гадовы, 66-гадовы, 69-гадовы і 70-гадовы паспяховы стралок) пачалі раздзелываць дзічыну калі да іх падыйшоў супрацоўнік Дзяржаўнай інспекцыі аховы жывёльнага і рассліннага свету. Ён і выявіў, што ў паляўнічых не было адпаведнага дазволу на занятак.

У выніку яны былі затрыманыя, а цяпер следства выставіла ім абвінавачанне. Па-першае, кампенсацыя за забітую жывёлу 8.100 рублёў, якую абвінавачаныя ўжо сплацілі. 70-гадоваму паляўнічаму выставілі абвіначанне ў незаконным паляванні. Траім астатнім ў пакушэнні на транспарціроўку і раздзелку дзікіх жывёлаў. Першы вызвалены пад асабістае паручальніцтва, трое маладзейшых атрымалі падпіску аб нявыездзе да суда.