Орша, Культура

Сёння дзень народзінаў Караткевіча

26.11.2021 15:23

1001 прагляд, 0 каментароў

Аршанцу, які стаў брэндам горада сёння спаўняецца 91 год

Уладзімір Сямёнавіч нарадзіўся 26 лістапада 1930 года ў Оршы і значную частку свайго жыцця правёў у нашым горадзе. Нават калі з'ехаў з Оршы, пісьменнік ту часта гасцяваў і працаваў. У самыя складаныя перыяды свайго жыцця ён таксама прыязжаў у Оршу, каб набрацца сілаў. Перацаніць значнасць Караткевіча для Беларусі складана - ён адкрывальнік цэлага жанру ў Беларускай літаратуры - гістарычнага раману. Ён адкрыў для Беларусаў Беларусь. Не Багушэвічаву сялянскую, ні Коласаўскую пакутную і прыніжаную, а тую якую доўгія гады спрабавалі схаваць ад нас. Беларусь гераічную, Беларусь бунтарскую і рамантычную. На яго раманах вырасла цэлае пакаленне новых культурніцкіх дзячоў якія ўжо самі будзілі інтарэс і свядомасць людзей. Дзень народзінаў Караткевіча і сёння адзначаецца як у Оршы, так і ў іншых гарадах, ды нават у іншых краінах.