Устаноўка адбудзецца ў «Парку сямейных дрэваў», які месціцца на зямлі знесенага ў 2006-2007 прыватнага сектару па вуліцы Савецкай. Пляцоўка пад помнік ужо падрыхтаваная.
Паводле плану неўзабаве там усталююць скульптурную кампазіцыю «Сям’я — залог міру», піша «Аршанская газета».
Дапоўніць алею такім сімвалам — сумесная ідэя дэпутатаў Палаты прадстаўнікоў Нацыянальнага сходу Рэспублікі Беларусь Генадзя Давыдзькі і Іны Крачак.
У Воршы дагэтуль амаль няма помнікаў беларускім нацыянальным героям — на розныя запыты грамадскасці аб розных відах ушанавання іх памяці з райвыканкаму ішлі адмовы. Цяпер помнік са згадкай «міру» паставяць у тыя дні, калі Расея напала на Ўкраіну, а Лукашэнка прадаставіў тэрыторыю нашай дзяржавы пад размяшчэнне, перасоўванне, рамонт вайсковай тэхнікі, ракетныя абстрэлы мірных украінскіх гарадоў, а шпіталі — пад лячэнне параненых у баявых сутыкненнях з украінскімі абаронцамі расейскіх захопнікаў.
