Цікавейшы фотаздымак апублікаваў на сваёй старонцы краязнаўца Эдуард Навагонскі. На ім бачны амаль увесь цэнтар горад зняты з паветра ў 1942 годзе. Для разумення геаграфіі фотаздымка, Навагонскі сам пазначыў лічбамі заснятыя аб'екты. Пад нумарам 11 ў верхнім правым вуглу бачнае Гарадзішча, якое адносна мала змянілася. На ім яшчэ бачныя жылыя прыватныя дамы, друкарня і паарная частка. Але сам узгорак і нават дарожкі на Гарадзішчы засталіся амаль не змененымі. Пад нумарам 3 бачны ўвесь комплекс Езуіцкага калегіюма. Можна пабачыць наколькі вялікі гэта быў комплекс калі ён быў турмой - тут значна больш будынкаў у параўнанне з сёняшнім часам. Бачны "Шыпучы мост" і Сабор Раства Хрыстова - ён у самым правым баку фотаздымка. У цэнтры фотаздымка - рынкавая плошча, якая і да 20 стагоддзя выконвала функцыю гандлёвай. Асобныя дамы змаглі пасля вайны перажыць яшчэ амаль 100 гадоў і стаяць зараз. Але збольшага той бок горада які па правым баку Аршыцы выглядае вельмі пустым. Толькі прыглядзеўшыся можна пабачыць, што там ёсць невялічкія прыватныя, відавочна драўляныя, дамы.
