Музей Заслонава быў створаны ў дастаткова гістарычным будынку - у доме былога святара. Маецца на ўвазе не канкрэтны чалавек, а так бы мовіць, службое жытло для святара, які служыў у прывакзальнай царкве. Будынак быў яшчэ да рэвалюцыйны і на момант знішчэння меў больш за сто гадоў.

Некалькі год таму будынак пацярпеў ад урагану - у яго быў пашкоджаны дах. І ўлады прынялі дастаткова спрэчнае рашэнне знесці стары дом. Музей жа па-сутнасці быў зачынены, а экспанаты перавезеныя. Пры гэтым на момант зносу будынка ва ўладаў не было нейкага варыянту што рабіць з музеем. Пазней пачалі з'яўляцца варыянты: была прапанова перанесці музей у будынак былога педкаледжу. Але дастатковая сспонсарская дапамога на рамонт і прыстасаванне будынка пад музеі не прыйшла, у тым ліку і з-за падзеяў 2020 года. А будынак прадалі пад гандлёвы цэнтар. Быў нават варыянт зрабіць новы музей у чыгуначным вагоне, што магло б быць дастаткова арыгінальна, але зноў выклікала б спрэчкі.

У выніку вырашылі аднаўляць сам будынак, быў створаны нават дабрачынны рахунак. Наколькі нам вядома, новы будынак усё ж такі будуецца за дзяржаўныя сродкі - на рахунак паступіла мала грошай.

Дастаткова хутка новы будынак на старым месцы ўзведзены. Сказаць, што музей вось-вось адчыніцца не магчыма. Зараз узведзены сцены, нават, усталяваныя кандыцыянеры, але работы да канца не дайшлі. Прапануем вам ацаніць знешні выгляд новага будынка музея Заслонава.