Орша, Культура

Музей прыняў наведвальнікаў. Фота

19.08.2022 21:11

1804 прагляду, 0 каментароў

Учора адбылося ўрачыстае адкрыццё музея Заслонава. А сёння ён прыняў першых наведвальнікаў

Адноўлены музей можна працягваць лічыць самым старым музеем у горадзе, бо створаны ён яшчэ ў 1948 годзе, а музеі якія былі да яго не перажылі 30-х гадоў 20-га стагоддзя. Абноўлены музей сабраў як элементы старой экспазіцыі, так і дададзена новае. Напрыклад кулямёт Максім, які ў старым музеі дзеці не рэдка краналі рукамі, цяпер пад шклом.

Музей цяпер прысвечаны не толькі Другой сусветнай вайне, а яшчэ і Афганскай — ёй прысвечаная асобная вялікая заля. Таксама створана выставачная заля дзе зараз выстаўленыя карціны прысвечаныя вайне, але яўна экспазіцыя будзе мяняцца.

Асобна варта адзначыць мастацкае рашэнне музея. Уражвае ўваход у экспазіцыйную частку, відавочна многім спадабаецца копія паравоза і фігуры людзей у поўны рост. Вельм шмат у экспазіцыі фотаздымкаў старой Оршы, разбуранай у час вайны.

Упэўненыя, што зараз многія сходзяць у адноўлены музей, а пакуль складзіце агульнае ўражанне з нашага фотарэпартажа.