Перанесеныя раней спрэчкі бакоў на судзе па справе аб "змове з мэтай захопу ўлады" адбыліся. Галоўная інтрыга была ў тым колькі дзяржава запросіць пакарання для медыйных асобаў гэтай справы: Кастусёва, Зянковіча і Фядуты. Прытым, што Кастусёў так і не прызнаў сваю віну, на судзе заявіў, што на яго адбываўся моцны ціск пад час следства. Ды і тыя ў каго была магчымасць да наведвання судовай залі падкрэсліваюць, што ўдзел Кастусёва ў тых відэа-канферэнцыях, якія сталі асновай абвінавачання быў мінімальны.
Зразумела, што пракурор мусіў агучыць не столькі сваё жаданне, колькі пазіцыю дзяржавы - тое колькі дзяржава хацела б даць гэтым людзям. І тэрміны агучаныя пракурорам аказаліся неверагодна вялікімі. Кастусёву, Зянковічу і Фядуце пракурор запрасіў па 12 гадоў. Меньш публічным Вользе Галубовіч і Дзянісу Краўчуку па 3 гады.
Канчатковы прысуд будзе абвешчаны 5 верасня.
