У Воршы чыноўнікі працягваюць весці праект па будаўніцтве флагштока. Праект ужо ўзгоднены, грамадскае абмеркаванне прайшло без заўваг ад грамадзян, высветліла выданне «Витебский курьер news».
Як мы пісалі раней, вывучаючы дакументацыю па праекце, флагшток будзе вышынёй 58 метраў — як
З ліпеня па лістапад ужо завершаныя тры тэндэры на дзяржзакупках: распрацоўка перадпраекту, самога праекту і дакументаў узгадненняў.
Яшчэ да пачатку работ выкананыя дзяржзакупкі выцягнулі прыстойную суму:
а) перадінвестыцыйны праект (33 500 рублёў);
б) непасрэдна праект (121 879 рублёў);
в) матэрыялы папярэдняга ўзгаднення месца размяшчэння дадатковых зямельных участкаў пад добраўпарадкаванне, інжынерныя сеткі і збудаванні (1177,97 рублёў).
Толькі на адну дакументацыю ўжо спатрэбілася 156 557 рублёў, што ў пераліку складае каля 47 тысяч даляраў ЗША.
Усе выдаткі пакрываюцца са сродкаў раённага бюджэту.
У абгрунтаванні інвестыцый, прыкладзеных да грамадскага абмеркавання да аб’екта «Узвядзенне флагштока па вул. Уладзіміра Леніна ў Парку Герояў у г. Воршы» ёсць
«Кошт будаўніцтва аб’екта ў коштах на дату распрацоўкі каштарыснай дакументацыі 1.08.2024 г. складае 5700 тысяч рублёў».
Пры гэтым рэалізацыя задлумы адбываецца на фоне нечуванага дэфіцыту мясцовага бюджэту. Аршанскія дэпутаты 31 кастрычніка 2024 г. перагледзелі план раённага бюджэту на бягучы год у бок пагаршэння: дэфіцыт вырас да 20,6 мільёнаў рублёў.
