Гэтыя выходныя ў Оршы мусілі быць насычаныя. Адначасова ў горадзе праходзіць два фестывалі ды яшчэ і новаабвешчанае свята народнага адзінства. Першы фестываль "Сям'я - сімвал міру", другі - "Беларусь праваслаўная". Менавіта ў рамках гэтага фестывалю каля дома культуры "Победа" адбываецца праваслаўны кірмаш на якім звычайна гандлююць манастыры, прадаюцца розныя іконы і таму падобнае.
Магчыма мы падыйшлі не ў той час, але ж кірмаш аказаўся вельмі сціплым. Усяго тры латкі манастырскага гандлю і аднаго самотнага пакупніка.
Мы хацелі зрабіць вялікі фотарэпартаж з кірмаша, але атрымалася так як атрымаўся кірмаш.
