У ноч з панядзелка на аўторак адбыўся пажар у садовым таварыстве Сакалянка, якое знаходзіцца ў Коханаўскім сельсавеце. У выніку пажару цалкам знішчаны дачны дом.
У сераду яшчэ адно лецішча загарэлася ў вёсцы Валковічы. Здарэнне адбылося вечарам і ў гэты час каля свайго доміка знаходзіўся гаспадар пенсіянер. Ён паспрабаваў самастойна патушыць пажар, але з гэтага нічога не атрымалася. Больш за тое, пад час самадзейнага тушэння пенсіянер атрымаў траўму - тэрмічныя апёкі 2-3 ступені абодвух рук. Пажарную службу ў гэты час выклікаў сусед, але выратаваць ужо атрымалася мала чаго (на фота).
