Гаворка ідзе пра Марыю Яшчанка і ейнага хлопца Рамана Цыганкова. Абодва яны з Оршы, але жывуць доўгі час у Мінску. Затрымалі іх у пачатку мінулага тыдня і праз некаторы час з'явілася відэа з затрымання. На відэа бачна, як у кватэру дзе яны жылі ламаюць дзверы з дапамогай ламоў. А потым СОБР у бронекамізэльках урываецца ў памяшканне. ВІдавочна, што і на хлопца, і на дзяўчыну аказваўся як мінімум псіхалагічны ціск, бо калі яны на відэа прызнаюцца ва ўдзеле ў акцыях пратэсту, выгляд у іх стрэсавы.
Наколькі нам вядома, адразу пасля затрымання абодвух асудзілі на 14 сутак, але мы не ведаем па якім артыкуле. Таксама вядома, што ў час адміністратыўнага пакарання на іх распачалі крымінальную справу. Па якім артыкуле таксама не вядома. І Марыя, і Раман маюць хранічныя захворванні, але пакуль ні лекі, ні нават цёплыя рэчы ім перадаць не далі. Знаходзяцца затрыманыя ў Мінску на Акрэсціна.
