Нагадаем, што некаторы час таму ў Оршы зачынілася адзіная ў раёне сучасная кіназаля, якая была камерцыйная і зачынілася менавіта па камерцыйных прычынах. Пры гэтым, наяўнасць хоць адной кіназалі прадугледжана праграмай пад'ёму Аршаншчыны "з руінаў і попелу", а яна і без таго ідзе да свайго правалу. Відавочна, што аддзел культуры вырашыў выправіць сітуацыю ,але цяпер за бюджэтныя сродкі.
Размешчаны лот абвяшчае жаданне набыць камплект лічбавага кінапраэцыравання, які забяспечвае тэхналогію 3D для залі ў "Пабедзе". Выкласці за гэтага бюджэт культуры гатовы 168.000 рублёў. Падаваць заяўку можна да 19 лістапада.
