У прыватнасці, лісты са зваротамі да мэраў атрымалі ў Мсціслаўскім, Крычаўскім, Рагачоўскім і Дубровенскім выканкамах.
У прыватнасці ў лістах гаворыцца: "Пасля выдатнай перамогі пад Оршай Канстанцін Астрожскі з беларускім войскам разграміў маскоўскіх акупантаў у Прыдняпроўі, у выніку чаго былі вызваленыя Дуброўна, Мсціслаў, Рагачоў, Крычаў."
Нацыянальны аргкамітэт прапануе старшыням райвыканкамаў паспрыяць перайменаванню адной з цэнтральных вуліцаў названых гарадоў у вуліцу Канстанціна Астрожскага, а, пры магчымасці, "знайсці мажлівасць увекавечыць у горадзе імёны выдатных вайскаводцаў, паплечнікаў К. Астрожскага: Юрыя Радзівіла, Івана Сапегі, Князя слуцкага Юрыя Алелькавіча - удзельнікаў Бітвы пад Оршай".
