Рэгіён, Здарэнні

Бараньскі трохкутнік. Фота

22.06.2023 21:25

1100 праглядаў, 0 каментароў

У Барані зноў знік чалавек, Бермудскі трохкутнік адпачывае

Толькі раніцай міліцыя ў Барані шукала васьмігадовага школьніка, якога на шчасце ў абед знайшлі. А ўжо пад вечар з’явілася новая абвестка пра знікненне чалавека ў Барані. На гэты раз гаворка ідзе пра пажылую жанчыну.

75-гадовая Загаржанская Таццяна Стэфанаўна знаходзілася ў Бараньскай бальніцы. 22 чэрвеня яна сыйшла з бальніцы і яе пакуль больш ніхто не бачыў. Да лячэння жанчына пражывала ў Оршы на Першым Мікрараёне і ёсць верагоднасць, што ў гэтым Мікрараёне, на вуліцы Сямёнава яна можа і апынуцца, але ў Таццяны Стэфанаўны праблемы з памяццю.

Жанчыне на выгляд 70-75 гадоў, рост 160-165 сантыметраў, худая, стрыжка кароткая. У сувязі з праблемамі з памяццю ёй можа спатрэбіцца медычная дапамога.

Калі вы пабачыце жанчыну, або нешта даведаецеся пра яе месцазходжанне, то паведамце ў міліцыю.