Васьмігадовы Вадзім, якога ўчора шукалі ў Барані не адрозніваецца ідэальнымі паводзінамі. У школе ён дастаткова задзірысты і хуліганісты пацанёнак, хаця па свойму добры. Зразумела, што калі дзіцёнак збягае з дому, то вінаваты не толькі сам дзіцёнак. І, сапраўды, Вадзім сыйшоў з дому пасля канфлікту з бацькамі.
Далей распавядаем гісторыю паводле дзяржаўнай інфармацыйнай агенцыі БелТА. Аказваецца, Вадзім сыйшоў з дому не ў 8 раніцы 22 чэрвеня, а за дзень да таго. 20 чэрвеня малы пасварыўся з сям’ёй сыйшоў ад іх, дабраўся да Оршы і сеў у цягнік да Віцебску. Самотнага малога заўважылі і здалі ў міліцыю. З абласнога цэнтру Вадзім вярнуўся ў суправаджэнні і быў перададзены бацькам. Але на гэтым гісторыя не скончылася. У 8 раніцы наступнага дня ён зноў сыйшоў з дому і тады бацькі звярнуліся ў міліцыю.
На шчасце, ужо праз некалькі гадзін дзіцёнка знайшлі. На гэты раз далёка збегчы ён не паспеў — яго знайшлі ў прыватным сектары роднай Барані.
