Арыгінальны крадзёж учыніў трактарыст аднаго з сельскагаспадарчых прадпрыемстваў суседняга Горацкага раёна. У пачатку красавіка ён вечарком зайшоў на механічны двор прадпрыемтва на якім і працаваў. Сеў на пагрузчык Амкадор на якім і працаваў па службовых функцыях. І гэтым пагрузчыкам падчапіў асобнастаячы прычэп трактара, які павёз да знаёмага. Яшчэ адна арыгінальнасць: суд ацаніў кошт прычэпа ў 650 рублёў і 50 капеек. А знаёмаму трактарыст прапанаваў купіць прычэп ўсяго за 50 рублёў. Выгодная здзелка для знаёмага ад якой не магчыма дамовіцца. на што разлічвалі абодва — загадка. Няўжо трактарыст спадзяваўся, што знікненне прычэпа ў гаспадарцы не заўважаць? Гэта ж не мех бульбы і не каністра саляркі, а здаравенная бандура, хай сабе і не такая дарагая.
Мужчына цалкам прызнаў сваю віну. Новаму ўладальніку прычэпа давялося развітацца з выгоднай пакупкай. А суд прыгаварыў трактарыста да 1 года выпраўленчых работаў.
