Цэлы дзень 8 верасня людзі ехалі на Крапівенскае поле, каб пабываць на месцы славутай Бітвы. На момант калі нашыя карэспандэнты патрапілі ў Гацькаўшчыну, на месцы былі госці з Оршы, Дуброўна, Маладзечна, Барысаўскага і Крупскага раёнаў. Нейкіх арганізаваных мерапрыемстваў на месцы Бітвы сёння не адбывалася, людзі самі ускладалі кветкі, чыталі каля помніка вершы. Cупрацоўнікі ДАІ сёння зноў пільнавалі пад'езд да вёскі Гацькаўшчына - стаяла адна машына супрацоўнікаў, якія ва ўсіх машынаў што едуць у бок Гацькаўшчыны правяралі дакуманты.
Сёння ж скончыўся мастацкі плэнэр які з 2 верасня працаваў на Крапівенскім полі.
Святочныя мерапрыемствы 8 верасня прайшлі ў шмат якіх гарадах краіны і за мяжой. Прычым, за мяжой яны былі больш масштабныя. Асабліва адзначылася святкаванне ў Люксембургу - там да стартавага свістка футбольныя заўзятары на матчы зборнай Люксембургу супраць зборнай Беларусі вывесілі велізарны банэр у гонар Вялікай Перамогі.
