На нашым канале мы публікавалі мультыплікаваныя ролікі "Оршазнаўства". Гэтыя ролікі ў свой час распачала ствараць моладзевая арганізацыя "Звяз", і наш сайт быў эксклюзіўным партнёрам па іх публікацыі. Але так атрымалася, што ролікі гэтыя (яны усё ж такі з мультыпікацыяй) мы размяшчалі з пазнакай "Відэа для дзяцей". А гэта па правілах ютуба абмяжоўвае магчымасць раскруткі ролікаў. У выніку ў інстаграме яны набіралі дзесяткі тысяч праглядаў, а ў ютубе з-за такіх абмежаванняў не набралі і тысячы.
Цяпер названыя ролікі без "дзіцячай" пазнакі і размешчаны ў асобным плэйлісце па гэтай спасылцы. https://www.youtube.com/playlist?list=PLluNczCjXP1zpifdgwvZ08KHUim44Plj7
Ідэа гэтых ролікаў зявілася пад час пандэміі, каб дзеці якія не ходзяць у школу маглі вывучаць важны для Оршы, але не надта важны для школьнай праграмы прадмет. Асноўная ідэя ў тым, каб усю навучальную праграму па "Оршазнаўстве" перавесці ў відэа-фармат. Таму ролікі супадаюць з главамі падручніка. Пакуль па аб'ектыўных прычынах (у тым ліку і фармальная ліквідацыя арганізацыі) у свет выйшла толькі два ролікі, але, спадзяемся, што праца працягнецца і наш новы плэй-ліст будзе хутка расці.
Для лепшага разумення, публікуем самы першы ролік серыі прысвечаны геалогіі Аршаншчыны.