Нажаль, ранішняе надвор’е для аўтамабілістаў было не спрыяльнае. Слізкая дарога стварыла зручныя ўмовы для аварыяў. Адна з іх адбылася на скрыжаванні Молакава і Заслонава. Як распавялі відавочцы, машына таксі ехала з боку Молакава, а трактар выязжаў з боку Заслонава і абодва транспарты не змаглі нармальна затармазіць. Больш за тое, абодва транспарты пры тармажэнні развярнула.
Аварыя абыйшлася лёгкімі пашкоджаннямі транспарту. Але вуліца Заслонава вузкая пры гэтым насычаная грамадскім транпартам — адсюль адыходзяць аўтобусы з аўтавакзала. Як мінімум адзін аўтобус маршрута № 5 з-за аварыі не змог праехаць па графіку.
