Кампанія 16-гадовых падлеткаў сабралася не проста так - ны святкавалі дзень народзінаў аднаго з сяброў. 16 гадоў — важны момант для сталення! Даюцца многія правы, але і абавязкі. У прыватнасці, з 16 гадоў на чалавека цалкам распаўсюджваецца крымінальны кодэкс, гэтага не ўлічылі маладзёны і ўчынілі дзіцячую забаву.
Выпіўшы бутэльку гарэлкі і колькі піва на кампані, хлопцы ўчынілі танцы. Але не на танц-пляцоўцы, а на даху прыпаркаваных аўтамабіляў. У выніку тры аўто аказаліся пашкоджанымі. Цяпер супраць двух танцораў заведзена крымінальная справа за злоснае хуліганства, а страты для ўладальнікаў аўто ацэненыя ў 10.000 рублёў.
