Супрацоўнікі БЭЗ Аршанскага РУУС сумесна з калегамі з аддзела Дэпартамента аховы выкрылі схему крадзяжоў збожжа.
Устаноўлена: 27-гадовы механізатар сельскагаспадарчай арганізацыі і чатыры яго саўдзельнікі ва ўзросце ад 34 да 44 гадоў на працягу некалькіх дзён выкралі з поля, якое належыць прадпрыемству, звыш 5,5 тон азімай пшаніцы. Выкрадзенае вяскоўцы звазілі на свае прыдамавыя ўчасткі, планавалі выкарыстоўваць для кармлення хатняй жывёлы і продажу.
Фігуранты затрыманы і змешчаны ў ІЧУ, паведамляе міліцыя.
Прадпрыемства сілавікамі не называецца.
Следчы камітэт завёў крымінальную справу за крадзеж шляхам прысваення групай асоб. Праводзяцца далейшыя аператыўна-вышуковыя мерапрыемствы і следчыя дзеянні па ўстанаўленні ўсіх абставін злачынства.
