У 21-м туры першынства Беларусі сярод каманд І лігі «Ворша» згуляе на сваім полі супраць віцебскай каманды «Макслайн». Раней клуб супернікаў прадстаўляў Рагачоў, але летась пераехаў на поўнач краіны. У складзе гасцей тры колішнія гульцы «Воршы». У сваю чаргу, у Воршу з «Макслайну» нядаўна пераехаў абаронца Павал Кляннё, які ўжо паспеў дэбютаваць за нашу дружыну.
«Макслайн» ідзе на 5-м радку турнірнай табліцы, «Ворша» на 10-м. Апанентаў дзеляць толькі 6 пунктаў. Такім чынам, параза выб’е аршанцаў з барацьбы за топ-5 дывізіёну, а вось перамога дазволіць паглядзець на гэтыя шанцы як на цалкам рэальныя. Прынамсі, два папярэднія матчы блакітна-чорныя правялі паспяхова. У сустрэчах з пінскай «Хваляй» і доўбізненскай «Нівай» былі зафіксаваныя нічые з лікам 1:1, а гэтыя каманды ідуць сярод лідэраў лігі. За аршанцаў перад нядзельным паядынкам гаворыць і статыстыка: заўсёды маючы больш «гучны» падбор гульцоў і вышэйшае месца ў табліцы, «Макслайн» яшчэ ніколі не перамагаў «мальцаў». За пяць папярэдніх паядынкаў былі 3 перамогі аршанцаў і два падзелы пунктаў.
Гульня «Ворша» — «Макслайн» пройдзе 25 жніўня на цэнтральным стадыёне Воршы і пачнецца, а 17:30.
