Першынство Беларусі ў аўтагонках працягваецца. Этап у Воршы аказаўся больш прадстаўнічым за папярэдні ў Гародні. Прычынай стала прыбыццё шасцёх гоншчыкаў з Расеі.
На этапе адбылося надзвычайнае здарэнне. Хаця, беручы пад увагу агульны фон небяспекі, які прысутнічае на любых спаборніцтвах у аўтакросе, падобныя здарэнні там адбываюцца ўсё ж часцей за многія іншыя месцы і віды.
На этапе загарэўся адзін з аўтамабіляў, у ім ехаў Нікалас Шурба, адзін з наймацнейшых гоншчыкаў. Не абыйшлося без умяшання ў справы пажарнай брыгады. Агонь удалося патушыць. Як гэта адбылося — глядзіце на відэа ў нашым Ютуб-канале.
У «Баггі Д-3 Спрынт» перамогу здабыў Павел Саладкоў. У класе «Нацыянальны-2000» — Рыгор Галабародзька.
У класе Д-1 перамог Аляксей Карсакоў. У агульным заліку на першай пазіцыі Нікалас Шурба — у яго яшчэ няма нават разраду па аўтаспорце, ён наймаладзейшы ў першынстве, але ўжо апярэджвае больш дасведчаных гоншчыкаў!
На гэтым этапе Шурба стаў другім.
Больш здымкаў — на сайце autorul.by.
