Сацыяльныя сеткі сталі значнай часткай жыцця сучаснага грамадства. Сярод усіх сетак у нашым рэгіёне найбольш папулярная "У кантакце". Канешне, "У кантакце" ёсць і супольнасці аршанцаў. На сёняшні дзень, суполак так ці іначай прысвечаных нашаму рэгіёну даволі шмат. Нейкія з іх больш папулярныя, нейкія меньш, нейкія больш актыўныя, а ёсць тыя якія даўно не абнаўляюцца.
Мы выбралі найбольш заўважныя ў апошні час суполкі і прапануем нашым чытачам ацаніць якая з гэтых суполак найбольш цікавая праз апытанне, размешчанае на сайце.
БАРАХОЛКА ОРШАнского района - рэкламная суполка, дзе любы карыстальнік можа размесціць прыватныя абвесткі. Колькасць сяброў суполкі - 4.345 чалавек. Па актыўнасці адна з самых абнаўляемых, па некалькі аб'яваў за суткі.
Оршанцы | Орша | Orsha - адна з найстарэйшых суполак прысвечаных Оршы і адна з найбольш папулярных, колькасць удзельнікаў - 4.895. Апошнім часам абнаўляецца пераважна не адміністратарамі, а самімі ўдзельнікамі з-за чаго таксама ўсё больш пераўтвараецца ў рэкламную старонку.
ОРША (БАНДИТСКИЙ ГОРОД) - даволі новая суполка, але хутка закінутая мадэратарамі. сёння гэтую суполку абнаўляюць самі карыстальнікі. Абнаўляюць не рэгулярна. Але папулярнасць у суполкі не маленькая - 1.679 чалавек. З перавагаў суполкі - наяўнасць некаторай падборкі музыкі народжанай у нашым горадзе.
!!! ОршА !!! - суполка пра аршанцаў і для аршанцаў. 3.805 наведвальнікаў. Суполка таксама даволі старая і мала абнаўляецца, паступова перўтвараючыся ў рэкламна-аб'яўную.
ФК Орша адна з найпапулярнейшых (2.277 чалавек) і найбольш актыўных суполак, прысвечаных адной тэме - футбольнаму клубу "Орша".
***ОРША***_***ВИТЕБСК***. Калі б гэта была суполка прысвечаная толькі Оршы, то самай папулярнай была б яна - 10.386 чалавек. Пры гэтым, дакладную тэму суполкі вызначыць цяжка - тут усё, а геаграфічнай прыналежнасці ўвогуле не адчуваецца.
Типичная Орша | Typical Orsha - суполка з якасным абнаўленнем. Тут шмат гумара прысвечанага менавіта нашаму гораду, які ствараюць самі аршанцы. адпаведна, высокая наведваемасць - 5.165 чалавек з'яўляюцца сябрамі гэтай суполкі.
Орша.by - Суполка даволі папулярная - 1.251 чалавек, але даволі закінутая адміністратарамі. У выніку, тэмы для абмеркаванняў вельмі розныя і мала тычацца Оршы.
-=Орш@н$к&е ПЕRЦЫ и ПЕRЧ&NК&=- суполка для тых "кто из лучшего города в МИРЕ - из Орши ". 1.409 сябраў. Не малая ўвага нададзена музыцы. Але закінутая адміністратарамі, з-за аго не зразумела тэма суполкі.
Орша как Вегас, только круче! - напэўна, самая маладя суполка. У сувязі з маладосцю, суполка не мае вялікай колькасці сябраў, але пры гэтым вельмі актыўна і якасна абнаўляецца, перш за ўсё прыгожымі пейзажнымі фотаздымкамі.
Калі ваш варыянт адказаў не патрапіў у спіс прапанаваных намі, прапаноўваем дадаваць свае варыянты ў каментарах да гэтага артыкулу.
