Яшчэ 12 кватэр атрымалі ў гэтым доме №115 па вуліцы Энгельса шматдзетныя сем'і. 11 кватэр будзе выкарыстана як арэнднае жытло для маладых спецыялістаў, накіраваных у рэгіён.
Два месяцы таму падобная падзея адбылася ў Оршы: у доме №48 па 2-му завулку Бялінскага кватэры атрымалі 9 супрацоўнікаў Дэпартамента аховы МУС. У лік «шчасліўчыкаў» трапілі і тыя, хто доўга чакаў чаргі на паляпшэнне жыллёвых умоваў, і маладыя работнікі, якія праслужылі у Дэпартаменце аховы ад 3 да 5 гадоў.
Забеспячэнне кватэрамі перадусім супрацоўнікаў МУС стала трэндам пасля выхаду ўказа №37 от 13 лютага 2023 года «Об арендном жилье для военнослужащих». Між тым у Аршанскім раёне ў спісе на паляпшэнне жыллёвых умоваў налічваецца амаль 10 тысяч прозвішчаў. Пад нумрам 1 у гэтым спісе было заўважана прозвішча жанчыны, якая стала «на чаргу» па кватэру яшчэ ў 1968 годзе.
