Гэта ўжо другая спроба прадаць маёмасць – са зніжэннем кошту на 30% за 22 970 рублёў. Разам з камбайнам арганізацыя паўторна выставіла на продаж двухпавярховы закінуты будынак інтэрната ў Лёзне і два жылых дома ў вёсцы Дубраўка.
Маёмасць прадаецца не ад добрага жыцця: ААТ «Лёзненскі райаграсервіс» далёка не самае перадавое прадпрыемства ў рэгіёне. Мінулай восенню яго кіраўніцтва атрымала спагнанне за дрэнную падрыхтоўку тэхнікі да зімы, а адзін з механізатараў некалькі разоў быў адхілены ад працы на камбайне за нецвярозы стан. Прычым высветлілася, што яшчэ раней ён быў пазбаўлены правоў кіроўцы, але працягваў працаваць.
Распродажы камбайнаў становяцца ў праблемных сельскагаспадарчых арганізацыях звычайнай справай. Так, напрыканцы 2024 года на пляцоўцы «БелЮрЗабеспячэнне» з’явіліся ў продажы два арыштаваныя камбайны, якія належаць ААТ «Аршанскі камбінат хлебапрадуктаў». Гэтая маёмасць была арыштаваная ў кошт пазыкаў, якія мае прадпрыемства. Яна дагэтуль не прададзена.
