На пляцоўцы «БелЮрЗабеспячэнне» з’явіліся ў продажы два арыштаваныя камбайны гомельскай вытворчасці — 2009 і 2011 гг. выпуску.
Абодва камбайны належаць аршанскаму элеватару. Праўдападобна, яны працуюць на сельскагаспадарчым філіяле элеватару — у Смалянскім калгасе.
Сам элеватар і яго розныя сельскагаспадарчыя філіялы, як неаднаразова адзначалі мы ў ранейшых публікацыях, знаходзяцца ў глыбокай пазыковай яме, з якой яго спрабуюць выцягнуць. Падобнае становішча назіраецца і на іншых дзяржаўных прадпрыемствах Аршаншчыны. Цяпер у рахунак пазык забіраюць нават тое, без чаго вытворчасць папросту немагчымая.
