Тое, што кіроўцаў ловяць выпіўшых за стырном - не тое, каб зусім рэдкасць. Але, каб выпіўшы кіроўца яшчэ і вёз пасажыраў у рэйсавым транспарце - гэта выпадак арыгінальны і ўнікальны.
На днях на выездзе з Горак ДАІ спыніла, пэўна проста для прафілактыкі, маршрутку, якая везла пасажыраў на Оршу.
Ужо ў пачатку размовы, інспектар западозрыў нешта з кіроўцам не так. І падазрэнне міліцыянта пазней падцвердзілі медыкі - пры мед.аглядзе ў кіроўцы выявілі 1,12 праміле алкаголю. Маршрутчыка, які рызыкаваў сваімі пасажырамі, пазбавілі правоз на 5 гадоў і далі штраф.
