Адказчыцай па адміністрацыйнай справе ( ч.3 арт. 12.9 КаАП- Парушэнне парадка ажыццяўлення дзяржаўных закупак тавараў (работ, паслуг)) - выступала Кацярына Жанеўская. Імя жанчыны ў якасці кантактнай асобы сустракаецца на сайце дзяржзакупак усяго аднойчы - у сувязі з закупкай паслуг па асведчанні кіроўцаў для Аршанскай раённай ветэрынарнай станцыі. Паслугі меліся ажыццяўляцца на працягу мінулага года.

Ці менавіта гэты выпадак стаў падставай для судовага разбору, і якое рашэнне вынесла суддзя Інна Кохава, пакуль не вядома. Але найхутчэй гэтая справа трапіла у суд пасля пракурорскай праверкі – такія праверкі актыўна праводзіліся цягам 2024 года.

Паводле Генеральнай пракуратуры, у сувязі з выяўленымі парушэннямі заканадаўства , дапушчанымі прадстаўнікамі арганізацый, вынеслі 44 прадпісанні. Па выніках іх разгляду былі адменены або зменены больш як 50 працэдур дзяржзакупак на агульную суму каля 6 мільёнаў рублёў. На патрабаванне органаў пракуратуры Віцебскай вобласці больш за 50 адказных асобаў былі прыцягнуты да дысцыплінарнай і адміністрацыйнай адказнасці.

Як паведамляе ведамства, толькі пракуратура Сенненскага раёна летась адмяніла незаконныя працэдуры закупак на 30 тысяч рублёў. Парушэнні тычыліся, у прыватнасці, абвестак пра закупкі аграхімічных аналізаў якасці кармоў і камбікармоў.