У Оршы і Аршанскім раёне ў бліжэйшыя дні тэмпература панізіцца да -12 градусаў. Але адчувацца яны будуць як усе -16. Надвор’е не будзе камфортным, а месцамі не будзе бяспечным.
Сіноптыкі прагназуюць галаледзіцу на асобных участках дарог. Таму кіроўцам варта быць асабліва ўважлівымі. ДАІ папярэджвае, што ў гэтых складаных умовах надвор’я з 15 па 19 лютага ў Оршы будуць праводзіцца адмысловыя рэйды па праверцы бяспекі дзяцей-пасажыраў. Праверкі ініцыявалі пасля ДТЗ, якое здарылася 9 лютага на скрыжаванні вуліц Савецкай і Энгельса. У выніку сутыкнення аўтамабіляў Citroen і Jetour X50 пацярпела 15-гадовая дзяўчына.
