У нашым горадзе цяпер кожная самотная дзяўчына і жанчына, маючы доступ у сеціва, можа знайсці сабе чалавека для размоў, а можа быць, і для далейшага знаёмства.
«Я раблю праграмістам, а ў маёй жонкі на працы вельмі шмат самотных дзяўчын. Яны папрасілі нас зрабіць такі сайт знаёмстваў, дзе будуць хлопцы і мужчыны толькі з гораду Ворша. Чыста сайт знаёмстваў для дзяўчат», — так гаворыцца ў апісанні сайту lubof.su.
На гэты момант на сайце 193 анкеты мужчынаў, якія шукаюць сабе жанчыну. Гэта і разведзеныя, і ўдаўцы, і тыя, хто ніколі не быў жанаты. Тыя, хто мае дзяцей, і тыя, хто ня мае.
Каб знайсці сабе чалавека для знаёмства, дзяўчынам і жанчынам трэба толькі запоўніць анкету, што размешчана на галоўнай старонцы. Там толькі чатыры графы — мэта знаёмства, узрост, сямейнае становішча і наяўнасьць/адсутнасць дзяцей. Акрамя таго, да старонак мужчынаў можна дадаваць свае каментары, а таксама размяшчаць фотаздымкі. Пра існаванне сайту многія аршанцы даведаліся з аб’явы, налепленай у горадзе. Цяпер колькасць анкет на старонцы расце.
Што тычыцца мужчынаў, то даслаць свае звесткі на анкету можна на электронны адрас праекту або ў суполку «Ўкантакце».
