Паводле дакументаў, лот мае назву «комплекс складскіх памяшканняў». Насамрэч — гэта комплекс збудаванняў былой вайсковай часткі. У склад лота ўвходзяць 11 збудаванняў агульнай плошчай 6059 кв.м. Сярод іх- некалькі складскіх будынкаў, два гаражы, былое караульнае памяшканне, будынак АЗС.
Некаторыя аб’екты здадзены ў арэнду, іншыя патрабуюць істотнага рамонту. Агульная плошча тэрыторыі — 10, 0185 га, яна агароджана бетонным плотам.
Цяпер ўся гэтая маёмасць знаходзіцца ў прыватнай уласнасці, гаспадар — таварыства з абмежаванай адказнасцю «Оршавторпласт».
Каштуе былая вайсковая база 210 тысяч долараў. І гэта толькі стартавы кошт: нельга выключаць, што падчас аўкцыёну 25 лютага ён будзе падвышаны. Або наадварот — калі ахвотных набыць гэты лот падчас першага аўкцыёну не знойдзецца.
«Плюсам» для новых гаспадароў можа стаць тое, што вёска Панізоўе месціцца ўсяго за 6 км ад Оршы. Але на сенняшні дзень не зарэгістраванага ніводнага патэнцыйнага ўдзельніка будучых таргоў.
