Чарговае папаўненне спісу экстрэмісцкіх матэр'ялаў не абыйшло наш рэгіён. Сёння стала вядома, што экстрэмісцкімі прызналі сайт і старонкі медыя Horki.info. Медыя арыентавалася адразу на тры раёны Магілёўскай вобласці: Горацкі, Дрыбінскі, Мсціслаўскі. Раней пры сайце працавала яшчэ і штотыднёвая газета "Узгорак", але яе выданне спынілася з пачатакам рэпрэсіяў супраць журналістаў.
Арыгінальна, што сайт максімальна абыходзіў палітычныя тэмы. Нават не асвятляў пратэсты, якія ў Горках таксама былі масавымі. Пры гэтым не падначальваўся ўладам, хаця і не надта ім перашкаджаў. Але і гэтага на сёняшні дзень дастаткова, каб таксама стаць экстрэмістамі.
