У снежні мінулага года суд Оршы і Аршанскага раёна вынес прысуд па крымінальнай справе, распачатай паводле ч. 1 і ч. 2 арт. 430 КК РБ (атрыманне хабару, у тым ліку паўторна).
У гэтай крымінальнай справе фігуруе імя Харытонавай Таццяны Аляксандраўны. Гэтыя звесткі цалкам супадаюць з асабістымі дадзенымі супрацоўніцы Аршанскага занальнага цэнтра гігіены і эпідэміялогіі, а таксама шматгадовай кіраўніцы прафсаюзнай апганізацыі гэтай установы.
”Аршанская газета”, друкуючы парады спецыялісткі, прадстаўляла яе чытачам як загадчыцу аддзелам гігіены харчавання. Але на сайце ўстановы ў лістападзе мінулага года жанчыну называюць ўсяго толькі ўрачом па медычнай прафілактыцы аддзела грамадскага здароўя і сацыяльна-гігіенічнага маніторынгу. Інакш кажучы, вельмі падобна, што работніцу “панізілі”.
Сутнасць прысуду, вынесенага Харытонавай Т.А. па справе аб атрыманні хабару аршанскім судом, пакуль не вядомая.
