На мінулым тыдні нашыя старонкі ў "Укантакце" і "Аднакласніках" былі заблакаваныя. Гэта ўпершыню калі па палітычных матывах блакуюцца асобныя беларускія старонкі ў сацыяльных сетках. Але. відавочна, не апошні выпадак.
На гэтым тыдні ў "Аднакласніках" была заблакаваная асабістая старонка Міхаіла Чамурака - актывіста з Дуброўна. Гэтую старонку раней ужо ўлады прызнавалі экстрэмісцкай. Пры гэтым усе названыя старонкі свабодна адкрываюцца праз ВПН і з-за мяжы.
Увогуле сітуацыя са СМІ ў рэгіёне ўсё больш пагаршаецца. Толькі за гэты месяц былі ліквідаваныя два сайты, якія пісалі ў тым ліку і пра Аршаншчыну. Так, сайт "Народныя навіны Віцебска" быў прызнаны экстрэмісцкім. І рэдактар палічыў за лепшае выдаліць сайт і старонкі ў сацыяльных сетках. Тое самае адбылося і з сайтам Horki.info - пасля прызнання экстрэмісцкім, уладальнікі палічылі вартым выдаліць старонкі. У сувязі з гэтым, запрашаем вас падтрымліваць наш сайт, калі для вас гэта бяспечна. Падпісвайцеся на нашыя сацыяльныя сеткі!!! Іх пералік можна пабачыць у сярэдзіне галоўнай старонкі сайта.
