Гэта рэдкае відэа. Лісы звычайна палююць так, каб ніхто не бачыў гэты працэс. Але ў дадзеным выпадку звер выйшаў на поле побач з новай дарогай ад трасы М1 да Балбасава і праязжаючы міма аўтамабіліст змог засняць працэс зімовага "мышкавання".
Што ж адбываецца на відэа? Нармальнай зімой лісы прыслухоўваюцца да шумаў пад снегам, каб пачуць дробных грызуноў. І калі чуюць здабычу, падскокваюць ды ныраюць, каб галавой прабіць снег ды схапіць здабычу. Праўда, снегу ў гэтым годзе не шмат і ліса кідаецца ці то ў кучу гноя ці то ў кучу зямлі.
