У ноч з 7 на 8 лютага 34-гадовы мужчына сякерай пашкодзіў кола аўтамабіля свайго суседа, а потым з той самай сякерай кінуўся трушчыць дзеверы ў суседскую хату, патрабуючы яго ўпусціць унутр, каб “разабрацца”. Сусед, пераканаўшыся ў неадэкватнасці нападніка, патэлефанаваў у міліцыю.
Свае дзеянні хуліган патлумачыў тым, што яму падалося, нібыта сусед за ім сочыць. І прызнаўся, што злоўжывае алкаголем, але ўжо тыдзень устымліваўся ад спіртовых напояў. Таму, маўляў, арганізм “даў збой” - пачаліся трызненні і як вынік неадэкватныя паводзіны.
Дэбашыра затрымалі і накіравалі на медычнае абследаванне. Супраць яго распачатая крымінальная справа па ч.1 арт.339 (Хуліганства). Аршанскі міжраённы следчы камітэт апытвае сведак і высветляе акалічнасці здарэння. Затрыманаму пагражае да трох гадоў зняволення.
