1 сакавіка з 12.00 да 15.00 у Оршы на гарадской плошчы пройдзе свята «Масленічнае гулянне». Падчас імпрэзы можна будзе пачаставацца блінамі, а таксама ў праграме - канцэрт самадзейных артыстаў, выстава-продаж вырабаў і сувеніраў ручной работы, народныя традыцыйныя гульні, у тым ліку спаленне пудзіла Масленіцы.
1 сакавіка ў 11.00 на плошчы каля Дома культуры г.п. Балбасава пачнецца святочная праграма “Шырокая Масленіца”. Арганізатары абяцаюць спевы, танцы і гандлёвыя шэрагі.
1 сакавіка на святкаванне Масленіцы ў аграгарадку Бабінічы запрашае Аршанскі раённы цэнтр культуры. У праграме імпрэзы “Румяная Масленіца” запланаваны конкурсы, гульні, спартовыя спаборніцтвы і , вядома, бліны з гарбатай. Пачатак у 12 гадзін.
1 сакавіка ў 11.00 у парку «Ліпкі» г. Дуброўна пачнецца народнае гулянне " Шырокая Масленіца». Гледачоў чакаюць тэатралізаваныя паказы, выступленні творчых калектываў, гульнявыя пляцоўкі, выставы-продажы сувеніраў і прысмакаў.
2 сакавіка праводзіць зіму і сустракаць вясну будуць у Барані. Тут у 11.00 на плошчы каля Палаца культуры распачнецца святочная праграма “Гуляй, шырокая Масленіца” з удзелам мастацкіх калектываў і народнымі забавамі.
2 сакавіка ахвотных павесяліцца запрашае і Арэхаўскі дом культуры. Тут у 11.00 пачнуцца гулянні «Масленица идёт – блин да мёд несёт!»
