Орша, Грамадства

Эўтаназіі не будзе

06.03.2025 14:40

918 праглядаў, 0 каментароў

Аршанскі райвыканкам змяніў сваё Рашэнне «Аб мерах па ўпарадкаванні ўтрымання хатніх і адлову безнаглядных сабак і катоў», якое было прынята 14 лістапада 2022 года. Orsha.eu вывучыў дакумент.

У новым Рашэнні мясцовых уладаў гаворыцца, што ў папярэднім дакуменце адмяняецца пункт № 3. Пра што ж ён?

Там сказана «Вызначыць, што адлоўленыя і незапатрабаваныя сабакі і каты па заканчэнні 5 каляндарных дзён могуць падвяргацца працэдуры эўтаназіі». Атрымліваецца, цяпер браты нашы меншыя не будуць падвяргацца гэтай працэдуры.

Змяненні былі ўнесены на падставе падпункта 2.4 пункта 2 артыкула 10 Закона Рэспублікі Беларусь ад 1 красавіка 2024 г. № 361-З «Аб адказным абыходжанні з жывёламі». Там гаворыцца, што «мясцовыя выканаўчыя і распарадчыя органы ў галіне абыходжання з жывёламі... арганізуюць адлоў безнаглядных жывёл».