Паведамляецца, што ў адным з гандлёвых аб'ектаў у горадзе Горкі надбаўкі на некаторую гародніну і садавіну былі завышаныя на 7-11%.
У 4 гандлёвых аб'ектах без цэннікаў і неабходнай маркіроўкі прадавалі больш за 900 найменняў нехарчовых тавараў. Гэта верхняе і спартыўнае адзенне, панчошна-шкарпэткавыя вырабы, канцылярскія прыналежнасці і інш.
Там жа знайшлі больш за 130 найменняў тавараў без нанесеных сродкаў ідэнтыфікацыі.
Пералік абавязковых тавараў таксама не выконваўся. Напрыклад, у адной з сельскіх крам не было дзіцячага харчавання, яек, марожанай рыбы, мяса, у тым ліку птушкі і інш.
А ў Оршы і Аршанскім раёне вы заўважалі такія парушэнні?
