Учора ў 11-23 ратавальнікам паступіла паведамленне аб пажары ў 5-павярховым доме па вуліцы Чарнышэўскага. Калі супрацоўнікі МНС прыбылі на месца, з акна кватэры, размешчанай на 4 паверсе шматкватэрнага жылога дома, ішоў густы дым. Па словах суседзяў, у кватэры пражываў мужчына - пляменнік памерлай раней гаспадыні, і ён часам злоўжываў спіртным.
Падчас разведкі і тушэння пажару ратавальнікі знайшлі непрытомнага мужчыну і вынеслі яго на свежае паветра. Аднак работнікі хуткай медыцынскай дапамогі, якія прыехалі, ужо нічым не маглі дапамагчы і канстатавалі смерць пенсіянера 1956 года нараджэння.
Прычынай пажару, паводле папярэдняй версіі, стала неасцярожнае абыходжанне з агнём пры паленні. У кватэры закураныя сцены і столь, пашкоджаная маёмасць.
