Аляксандар Кандрашоў часта падарожнічае і каб паказваць свае прыгоды стварыў ю-туб канал. Сёння на гэты канал падпісана амаль 51.000 чалавек.
У Оршу аўтар паехаў у камандзіроўку, каб не было сумна з сабой ён узяў прыяцеля Аляксандра Царова. Менавіта іх знаходжанне ў нашым горадзе і ёсць цэнтральным сюжэтам роліка. Праўда, патрапілі сябры ў наш горад у панядзелак, калі як і ў іншых гарадах, культурніцкіх мерапрыемстваў праходзіць не шмат. У выніку уражанне ў падарожнікаў дваістае - з аднаго боку, у сюжэце гучыць хвалебная фраза "Мадагаскар не сравнится", з іншага боку, прачнуўшыся ў прахалодным нумары гатэлю, Аляксандар гаворыць пра Оршу як пра вялікую вёску.
Асобнай праблемай для блогера стала ежа - аказваецца нашыя кавярні і рэстараны вельмі любяць тлустую ежу і паўсюль выкарыстоўваюць маянэз, што не падабалася падарожнікам. Але ў выніку, расіяне ўсё адно, здаецца, засталіся задаволеныя.
Прапануем вашай увазе ролік цалкам.
