Працягваецца чэмпіянат Віцебскай вобласці па футболе. "Экамол" з Аршанскага раёну у перадапошнім туры гуляў у Полацку супраць "Полацкгаза". Гульня складвалася для "Экамола" зусім няўдала, ён саступаў 1:4. Аднак урэшце каманда сабралася ды выдала шыкоўнае заканчэнне, дзе галы ляцелі адзін за адным. У выніку - перамога 5:4. Аднак да бронзавых медалёў "Экамол" не дастане - іх забяспечыў сабе мінулагодні чэмпіён "Будаўнік" з Сянна, які, да таго ж, яшчэ можа пазмагацца за срэбра з віцебскім "Газавіком".
А вось дубровенскае "Дняпро" можна ўжо віншаваць - каманда ў мінулым сезоне была віцэ-чэмпіёнам, а зараз стала найлепшай у рэгіёне! На сваім полі "Дняпро" прадказальна перамог "Прамень" з Гарадка 4:1, і стаў недасягальным для канкурэнтаў!
