16 кастрычніка суд Дубровенскага раёна вынес рашэнне па поваду груза каляровых металаў затрыманых яшчэ 15 ліпеня. Тады супрацоўнікамі міліцыі каля вёскі Буда Дубровенскага раёна быў затрыманы "МАЗ" пад кіраваннем жыхара аграгарадка Іказань Браслаўскага раёну. Мужчына перавозіў 23,7 тоны каляровых металаў на агульную суму 320 мільёнаў рублёў без адпаведных дакумантаў. Суд пастанавіў канфіскаваць лом на карысць дзяржавы.

Раніцай 18 кастрычніка на трасе каля вёскі Брухава быў затрыманы мікрааўтобус "Форд-Транзіт" пад кіраваннем індывідуальнага прадпрымальніка з Мінску 1961 года нараджэння. У яго без адпаведных дакумантаў былі знойдзены не маркіраваныя кантрольнымі знакамі нашай дзяржавы 15 імпартных ЖК-тэлевізараў. Груз ацэнены ў 174,1 мільёны рублёў.

На другой буйной трасе Аршанскага раёну Е95 увечары 18 кастрычніка затрыманы яшчэ адзін аўтамабіль "Форд-С-Макс" якім кіраваў непрацуючы жыхар Бабруйска 1985 года нараджэння з грузам у 310 літраў гарэлкі без акцызных марак на суму 24 мільёны рублёў.

Раней буйны груз гарэлкі затрымліваўся на трасе 4 кастрычніка. Жыхар Казахстана 1978 года нараджэння на аўтамабіле "Форд" перавозіў 1056 бутэлек імпартнай гарэлкі без беларускіх акцызных марак. Затрыманы казахстанец быў а 5 раніцы каля вёскі Высокае.