Паводле "заўтра тваёй краіны" усе семь бізнэсмэнаў у параўнанні з фермерамі суседніх краінаў маюць меньшую колькасць зямлі, але, пры гэтым, працуюць значна больш эфектыўна і атрымліваюць большы даход чым іх калегі ў Расіі і Украіне.

З сямі чалавек якія ўвайшлі ў рэйтынг да Аршаншчыны мае дачыненне Яўгеній Баскін, які заняў у рэйтынгу першае месца. Баскін пачынаў свой бізнэс з Магілёва, а з 2000 года заняўся сельскай гаспадаркай. Ён выкупіў Смалявічскую бройлерную птушкафабрыку з вялікім зямельным фондам. Так пачалася гісторыя стварэння цэлага холдынга "Сервалюкс". На сёняшні дзень у склад холдынга ўваходзяць сельскагаспадарчыя прадпрыемствы ў Смалявіцкім, Пухавіцкім, Быхаўскім, Магілёўскім і Мінскім раёнах, вялікую фірмовую гандлёвую сетку з гандлёвымі кропкамі амаль па ўсіх рэгіёнах. На Аршаншчыне Баскін займаецца вырабам камбікармоў.

Яшчэ адзін буйны агра-бізнэсмэн мае частку свайго бізнэса ў Талачынскім раёне. Гэта Ўладзімір Некрашэвіч, які ў рэйтынгу заняў 5-е месца. І валодае адным з самых буйных аграхолдынгаў у Віцебскай вобласці "Славянскі Велес". Пачынаўся "Велес" з бройлернай птушкафабрыкі ў Шумілінскім раёне "Вітконпрадукт". На сёняшні дзень, у склада "Славянскага Велеса" ўваходзяць семь прадпрыемстваў па вытворчасці свініны, камбікармоў і харчовых дабавак, а таксама сетка гандлёвых крамаў у сямі раёнах вобласці, у тым ліку, Талачынскім.