Паведамленне пра забітага лася паступіла ў Аршанскую міжраённую інспекцыю па ахове жывёльнага і расліннага свету ў прайшоўшую нядзелю. Лася, ці дакладней тое што ад яго засталося - скура, галава, рогі, капыты і вантробы - знайшлі каля вёскі Башарава на ўскрайку леса. Папярэдне высветлена, што лася забілі вогнепальнай зброяў у вобласць шыі 7 або 8 лістапада. Талачынскі РАУС разглядае пытанне пра адкрыццё крымінальнай справы.
У яшчэ адным суседнім раёне - Горацкім на водасховішчы Дняпрэц былі затрыманы тры мясцовых жыхара, якія сеткамі лавілі таўсталобіка. Агулам яны вылавілі 17 рыбаў агульнай вагой 58,5 кілаграмаў.
