Фестываль будзе доўжыцца цэлы месяц у Мінску па адрасе прашпект Незалежнасці, 37 а. Арганізатары "кнігарня ЛогвінаЎ" і кампанія "Будзьм беларусамі!" На ўсе мерапрыемствы ўваход бясплатны. Акрамя таго, арганізатары абяццаюць "лятучыя падарункі" і бясплатную магчымасць пасядзець за сталом вялікага пісьменніка.
6 лістапада а 19.00, кнігарня "ЛогвінаЎ". Першы дзень фестывалю - ён жа адкрыццё - "Сакрэты зайцаў-півавараў". Першую імпрэзу будзе весці Андрэй Хадановіч, сярод удзельнікаў: Антон Рудак, Уладзімір Арлоў,Адам Глобус, Кася Камоцкая, Анатоль Івашчанка. Таксама, чакаюцца нечаканыя госці.
9 лістапада а 14.00, кнігарня "ЛогвінаЎ". Дзікае маляванне. Прэзентацыя дзіцячага коміксу Адама Глобуса "Дзікае паляванне і кароль Стах". Акрамя самой прэзентацыі для маленькіх удзельнікаў адбудзецца майстар-клас ад мастачкі Наталлі Гарачай.
12 лістапада а 19-00, галерэя "Ў". Скрыпка Дрыгвы. Песні на вершы Караткевіча выканае Зміцер Вайцюшкевіч.
19 лістапада а 19-00, кнігарня "ЛогвінаЎ". Karatkievič international. Прэзентацыя перакладу на польскую мову рамана "Хрыстос прызямліўся ў Гародні" з удзелам перакладчыцы Малгажаты Бухалік. Вядучы Андрэй Хадановіч.
26 лістапада а 19-00, кнігарня "ЛогвінаЎ". Быў, ёсць, буду - апошняя імпрэза фестывалю. Дзень народзінаў Уладзіміра Караткевіча. У гэты дзень выдавецтва "Мастацкая літаратура" прэзентуе першыя чатыры тамы поўнага збору твораў Караткевіча. Выступяць: Віктар Шніп, Анатоль Верабей, родзічы пісьменніка.
